ВИ и HR

Вештачката интелигенција (AI) во човечки ресурси (HR) се однесува на употребата на технологии како машинско учење (ML), предиктивна аналитика и обработка на природен јазик (NLP) за автоматизирање и извршување HR задачи кои традиционално бараат човечка проценка.

На пример, HR практичарите и тимовите можат да користат AI за поефикасно управување со процесите за вработување, обработка на плати, администрација на бенефиции, подготвување на политики и договори, како и обезбедување реалновремена HR поддршка за вработените. AI овозможува и носење одлуки засновани на податоци во областа на обуките, задржување на кадарот и планирање на работната сила, при што помага да се намали пристрасноста и да се подобри искуството и на кандидатите и на вработените.

AI може да се применува на повеќе нивоа: на индивидуално ниво, на ниво на HR тим и на ниво на организацијата во целина, при што секое ниво носи различни придобивки и различно ниво на ризик.

На индивидуално ниво, AI помага за заштеда на време и подобрување на квалитетот, со многу низок ризик.

На ниво на тим, AI ги надополнува постојните вештини и се користи како соработник за подобрување на процесите и работните текови — со покомплексни, но управливи ризици.

На организациско ниво, AI поддржува донесување големи одлуки што влијаат на деловната стратегија, но истовремено ризиците и можните последици се значително поголеми.

AI го трансформира HR со тоа што процесите ги прави попаметни и побрзи. Од анализа на трендови во работната сила, до подобрување на управувањето со таленти и развојот на вработените — AI им помага на HR тимовите да работат поефикасно, истовремено подобрувајќи го искуството на вработените. Без разлика дали се користи за автоматизација на рутински задачи или како поддршка во донесување стратегиски одлуки, AI станува неопходна алатка во целиот животен циклус на вработениот.

Во продолжение се прикажани начини на кои HR одделите ја применуваат AI технологијата во пракса.

Регрутација и вработување

Регрутацијата беше една од првите HR области што ја прифати AI за подобрување на процесите. Денес, AI е интегрирана во различни делови од процесот на вработување - од пребарување и предселекција, до интервјуирање и развој на фер политики за надомест.

На пример, системите за следење кандидати (ATS) управувани од AI може да ги скенираат биографиите, да ги идентификуваат клучните квалификации и да ги поврзат кандидатите со соодветни работни позиции.

ChatGPT, исто така, е корисен во процесите на регрутација. Регрутерите и специјалистите за стекнување таленти можат да го користат за:

-пишување опис на работни места и огласи

-креирање Boolean пребарувачки низи

-пишување LinkedIn објави

-подготовка на кандидати пред интервју и многу повеќе.

Onboarding и offboarding

Квалитетниот onboarding може да ја подобри стапката на задржување на вработените за 82%. Платформи за onboarding потпомогнати од AI им помагаат на организациите да создадат ангажирачко искуство, осигурувајќи дека сите потребни документи се пополнети, политиките се доставени, а обуките се закажани. На пример, Levity им овозможува на организациите да го автоматизираат целиот onboarding процес.

Истото важи и за offboarding. Кога вработен ќе ја напушти компанијата, AI алатка може автоматски да испрати излезна анкета, инструкции за враќање на опрема и автоматски да испрати известувања до IT за да се одземе пристапот до системи. Introist, на пример, обезбедува целосно автоматизирано offboarding искуство со нотификации, персонализирана комуникација и закажување излезни интервјуа.

HR аналитика и носење одлуки засновани на податоци

AI во HR аналитиката овозможува собирање и анализа на големи сетови податоци за перформанси, ангажираност, тек на вработени и организациска култура, со цел да се идентификуваат клучни области за подобрување. Ова им овозможува на компаниите да носат поквалитетни, податоци засновани на одлуки за управување со работната сила.

На пример, AI може да помогне да се предвиди стапката на заминување преку анализа на претходни напуштања, трендови во перформанси и податоци за чувства (sentiment analysis). Ако се утврди дека вработените без менторство почесто си заминуваат, HR може да воведе структуриран менторски програм или планови за развој на кариера.

AI може да поддржи и benchmarking на компензација со анализа на индустриски плати и интерни структури за да се обезбедат конкурентни и правични плати. Така, HR тимовите можат да адресираат разлики во примања и да ја подобрат ретенцијата.

Подобрена ефикасност и продуктивност во HR

Со преземање на рутински административни задачи, AI им овозможува на HR тимовите да се фокусираат на стратешки активности што носат поголема вредност за организацијата. Пример за вакво подобрување е компанијата Unilever, која примала над еден милион апликации годишно. Со употреба на алатки за машинско учење за анализа на видео-интервјуа и одговори, тие го оптимизирале процесот на регрутација.

Времето за вработување се намалило за 75%, а истовремено забележале и значително зголемување на разновидноста меѓу кандидатите.

Вештачката интелигенција во HR може да ја зголеми и продуктивноста на вработените. На пример, менаџерите добиваат подобар пристап до податоци за постигнувањата на вработените, што овозможува поквалитетна и подетална повратна информација, создавајќи култура на континуирано подобрување.